وزیراعظم سے شاہدآفریدی کی ملاقات

اسلام آباد (آئی این پی ) وزیراعظم عمران خان سے سابق کرکٹر شاہد آفریدی نے وزیراعظم آفس میں ملاقات کی جس میں سینیٹر فیصل جاوید اور معاون خصوصی نعیم الحق بھی موجود تھے۔ملاقات میں احساس پروگرام ، پناہ گاہوں جیسے عوامی فلاح و بہبود کے منصوبوں کے حوالے سے بات چیت کی گئی ۔ اس موقع پر شاہد آفریدی نے کہا کہ عوامی فلاح و بہبود کے حوالے سے حکومتی منصوبوں میں نجی شعبے کی گہری دلچسپی پائی جاتی ہے۔ نجی شعبہ پناہ گاہوں کی تعمیر میں مزید متحرک کردار ادا کرنے کا خواہشمند ہے۔