آپ آف لائن ہیں
جنگ ای پیپر
ہفتہ15؍ذوالحجہ 1440ھ 17؍اگست 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیکیورٹیز اینڈ ایکسچینج کمیشن پاکستان (ایس ای سی پی) نے گھروں اور دفاتر پر چھاپے مارنے کے قوانین جاری کر دیئے، جس کا نوٹیفکیشن بھی جاری کر دیا گیا ہے۔

ایس ای سی پی کی جانب سے جاری کیے گئے نوٹیفکیشن میں کہا گیا ہے کہ ایس ای سی پی چھاپہ مارتے وقت مقامی پولیس کو ساتھ رکھے گا۔

نوٹیفکیشن میں چھاپے سے قبل مقامی مجسٹریٹ سے اجازت لینا لازمی قرار دیا گیا ہے جبکہ کہا گیا ہے کہ چھاپے کے دوران قبضے میں لی گئی اشیاء اور کاغذات کی فہرست تیار کی جائے گی۔

جاری کیے گئے نوٹیفکیشن میں کہا گیا ہے کہ یہ فہرست ایس ای سی پی کے علاقائی دفاتر اور ملزم کو بھی دی جائے گی، ایس ای سی پی الیکٹرونکس اشیاء کو قبضے میں لینے کا اختیار رکھتا ہے۔

نوٹیفکیشن میں مزید کہا گیا ہے کہ انکوائری افسر کے علاوہ ایس ای سی پی کے مزید 2 افراد گواہی کے لیے موقع پر موجود ہوں گے، ایس ای سی پی کسی عمارت میں داخل ہونے کے لیے کھڑکی اور دروازہ توڑ سکتا ہے۔

نوٹیفکیشن میں یہ بھی کہا گیا ہے کہ چھاپے کے وقت ضبط کی گئی اشیاء غیر ضروری ہونے کی صورت میں مالکان کو واپس کرنی ہوں گی۔

قومی خبریں سے مزید