آپ آف لائن ہیں
جنگ ای پیپر
پیر18؍ ربیع الثانی 1441ھ 16 دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

حکومت عوامی مسائل کے حل کیلئے سنجیدہ کوششیں کر رہی ہے‘ وزیر مال

پشاور ( نیوزڈیسک )خیبرپختونخوا کے وزیر مال شکیل احمد ایڈووکیٹ نے کہا ہے کہ موجودہ حکومت عوامی مسائل کے حل کے لیے سنجیدہ کوششیں کر رہی ہے اور تمام دستیاب وسائل کو عوام کی فلاح و ترقی پربہتر طریقے سے استعمال میں لا رہی ہے۔ان خیالات کا اظہار انہوں نے گزشتہ روز اپنے حلقہ پی کے 18 میں عوامی تقریب سے خطاب کرتے ہوئے کیا۔ صوبائی وزیر شکیل احمد ایڈوکیٹ نے کہا کہ پاکستان تحریک انصاف وہ واحد نمائندہ جماعت ہے جس کے پاس عوامی مسائل کا حل موجود ہے اور اس سلسلے میں اقدامات اٹھا رہی ہے ماضی کے حکمرانوں نے عوام کو بنیادی سہولیات سے محروم کرکے صرف اپنا بیلنس بنا یا اور ملک کا پیسہ بیرون ممالک کو باہر منی لانڈرنگ کے ذریعے بھیجا جس کی وجہ سے ملکی معیشت اور ملکی خزانہ خالی کر گئے۔ انہوں نے کہا کہ دس سالوں میں دو سیاسی جماعتوں نے 30 ہزار ڈالر قرضہ لیا اور ملک کو مقروض کیا گیا لیکن پارٹی چیئرمین اور وزیراعظم پاکستان عمران خان نے عوام سے وعدہ کیا ہے کہ وہ اس ملک کو پھر سے اپنے پاؤں پر کھڑا کرکے اسلامی ریاست اور ترقی یافتہ ملک بنا کر دم لیں گے۔

پشاور سے مزید