پاکستان کو قرض دے کر منافع نہیں کما رہے، آئی ایم ایف

19 جولائی ، 2019

بین الاقوامی مالیاتی ادارے (آئی ایم ایف) کی ترجمان ماریا ٹریسا نے کہا ہے کہ پاکستان کو قرض دے کر منافع نہیں کما رہے۔

اسلام آباد میں سیمینار سے خطاب میں ماریا ٹریسا نے کہا کہ لوگ آئی ایم ایف کے بارے میں غلط سوچ رکھتے ہیں، مالیاتی ادارے نے پاکستان کو قرض دینے کے بعد کوئی منافع نہیں کمایا۔

ترجمان نے کہا کہ آئی ایم ایف ان رکن ممالک کی مدد کرتا ہے جو مالیاتی مسائل کا شکار ہیں، پاکستان مالیاتی ادارے کے 18ویں پروگرام میں داخل ہوچکا ہے۔

ان کا کہنا تھا کہ پاکستان کا سب سے بڑا مسئلہ قرض کی ادائیگی کا ہے، یہ اپنی کل آمدنی سے تقریباً 25 فیصد خرچ کرتا ہے۔

ماریا ٹریسا نے مزید کہا کہ کرنٹ اکاؤنٹ خسارے میں کمی مثبت چیز ہے، پاکستان کے آئین کے مطابق قرض جی ڈی پی کا 60 فیصد ہونا چاہئے۔

آئی ایم ایف ترجمان نے یہ بھی کہا کہ پاکستان میں آمدن کم ہے، حکومت کو محروم طبقے پر زیادہ خرچ کرنا چاہئے۔

انہوں نے کہا کہ اسٹیٹ بینک مہنگائی کو کنٹرول کرنے میں اپنی ذمہ داری ادا کرے گا، ڈالر کا ریٹ مارکیٹ طے کرے گی۔

ماریا ٹریسا کے مطابق اسٹیٹ بینک کو مانیٹری پالیسی کے ذریعے شرح سود کو کنٹرول کرنا ہے، حکومت کو 3سال میں ٹیکس آمدن بڑھانی ہے، اخراجات کم کرنے ہیں، صوبوں کو ٹیکس آمدن میں اضافہ کرنا ہے۔

تازہ ترین