آپ آف لائن ہیں
جنگ ای پیپر
پیر18؍ ربیع الثانی 1441ھ 16 دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

عمران ٹرمپ کامیاب ملاقات پاکستان کی کامیابی ہے: فردوس عاشق

وزیر اعظم عمران خان کی معاونِ خصوصی برائے اطلاعات فردوس عاشق اعوان نے کہا ہے کہ وزیر اعظم عمران خان کی امریکی صدر ڈونلڈ ٹرمپ سے کامیاب ملاقات پاکستان کی کامیابی ہے۔

فردوس عاشق اعوان نے وزیر اعظم عمران خان کی دورۂ امریکا کے دوران امریکی صدر ڈونلڈ ٹرمپ سے ہونے والی ملاقات کے حوالے سے سماجی رابطے کی ویب سائٹ ٹوئٹر پر ایک بیان کے ذریعے اپنے ردِ عمل کا اظہار کیا ہے۔

وزیر اعظم کی معاونِ خصوصی نے کہا کہ قوم کو اپنے رہبر پر ناز ہے جس نے باوقار انداز سے بین الاقوامی سطح پر پاکستان کی نمائندگی کی۔

فردوس عاشق اعوان کا کہنا ہے کہ ملاقات میں کشمیر پر گفتگو سے خطے کے بنیادی مسئلے کے حل کی اہمیت اجاگر ہوئی، پاکستان مسئلہ کشمیر پر ثالثی کے لیے امریکی صدر ڈونلڈ ٹرمپ کی پیشکش کا خیر مقدم کرتا ہے۔

انہوں نے مزید کہا کہ امریکی صدر ڈونلڈ ٹرمپ نے افغان مسئلے پر وزیر اعظم پاکستان عمران خان کے مؤقف کی تائید کی ہے۔

وزیر اعظم کی معاون خصوصی نے یہ بھی کہا کہ ٹرمپ نے ہمارے وزیر اعظم کو مقبول رہنما قرار دیا، یہ عمران خان پر دنیا کے بڑھتے ہوئے اعتماد کا اظہار اور ان کی قائدانہ صلاحیتوں کا اعتراف ہے۔

قومی خبریں سے مزید