خوشی ہے مودی نے مسئلہ کشمیر کو پیچیدہ سمجھا اور ٹرمپ سے مدد مانگی، فاروق عبداللہ

23 جولائی ، 2019

مقبوضہ کشمیر کے سابق وزیراعلیٰ فاروق عبداللہ نے کہا ہے کہ خوشی ہے، بھارتی وزیراعظم نریندر مودی نے مسئلہ کشمیر کو پیچیدہ سمجھا اور امریکی صدر ڈونلڈ ٹرمپ سے مدد مانگی۔

بھارتی میڈیا سے گفتگو میں فاروق عبداللہ نے کہا کہ خوشی ہے کہ مودی نے ٹرمپ سے ملاقات میں مسئلہ کشمیر پر بات کی۔

انہوں نے مزید کہا کہ خوشی کی بات ہے کہ جب مودی جی نے ٹرمپ سے ملاقات کی تو انہیں بتایا کہ کشمیر ایک پیچیدہ مسئلہ ہے اور اگر ان کی طرف سے کوئی مدد ہو تو یہ اچھا ہوگا۔

مقبوضہ کشمیر کے سابق وزیراعلیٰ نے مزید کہا کہ وہ مودی جی کو مبارک باد پیش کرتے ہیں کہ وہ بھی اس مسئلے کو حل کرنے کے لیے کچھ بھی کرنا چاہتے ہیں جو پاک بھارت تناؤ کی وجہ ہے۔

تازہ ترین