حاجی اپنے وطن میں قربانی کرے گا یا نہیں ؟

آپ کے مسائل اور اُن کا حل

سوال:۔حج کے دوران قربانی ہوتی ہے تو کیا اس کے علاوہ یہاں اپنے وطن میں بھی قربانی ضروری ہے یا نہیں؟(مسعو د صدیقی)

جواب:۔حج کے موقع پر جو قربانی کی جاتی ہے، وہ حج کے شکرانے کے طورپر کی جاتی ہے اوریہ حج کے اعمال کا حصہ ہے۔اپنے وطن میں جو قربانی کی جاتی ہے، وہ مال کا شکرانہ ہے اوریہ مال دار ہونے کی وجہ سے کی جاتی ہے۔دونوں الگ الگ قربانیاں ہیں ۔اس لیے اگر آپ حج کے ایام میں مقیم ہوئے اورقربانی کی استطاعت بھی ہوئی تو آپ پر یہاں وطن والی قربانی بھی ضروری ہوگی۔