نیب کو جسے چھوڑنا ہے ایک دن میں چھوڑ دیتا ہے، سندھ ہائیکورٹ

کراچی(آئی این پی ) سندھ ہائیکورٹ نے محکمہ فوڈ لاڑکانہ، سکھر اور حیدرآباد کے منصوبوں میں کرپشن میں ملوث ملزمان کیخلاف 5 ہفتوں میں ریفرنس دائر کرکے رپورٹ پیش کرنے کا حکم دیدیا،عدالت نے کہا کہ نیب کو جسے چھوڑنا ہے ایک دن میں چھوڑ دیتا ہے۔ 2016 سے انکوائری زیر التوا ہونے پر چیف جسٹس نیب حکام پر برہم ہوگئے۔ ایڈیشنل پراسکیوٹر جنرل نیب نے موقف دیا کہ
انکوائری مکمل ہوچکی ہے، معاملہ منظوری کے لیے ہیڈکوارٹر بھیج دیا۔چیف جسٹس سندھ ہائیکورٹ جسٹس احمد علی شیخ نے ریمارکس دیئے کہ رپورٹ پیش کریں کہ ریفرنس دائر کرنے کی منظوری ملتی ہے یا نہیں، اگر نیب قوانین پر عملدرآمد نہیں کرتا تو اپنے ایس او پی ختم کردے۔