آپ آف لائن ہیں
جنگ ای پیپر
جمعہ15؍ ربیع الثانی 1441ھ 13؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

’اسلامی ملک کے مودی کو ایوارڈ دینے پر مایوسی ہوئی‘

وزیرِاطلاعات پنجاب میاں اسلم اقبال کی لاہور میں میڈیا سے گفتگو 


وزیرِاطلاعات پنجاب میاں اسلم اقبال کا کہنا ہے کہ ایک اسلامی ملک کی جانب سےمودی کو ایوارڈ دینے پر مایوسی ہوئی ہے۔

لاہور میں میڈیا سے گفتگو کرتے ہوئے پنجاب کے وزیرِ اطلاعات میاں اسلم اقبال نے کہا کہ بھارتی وزیر اعظم نریندر مودی نے آر ایس ایس کے ذریعے مقبوضہ کشمیر میں مسلمانوں کا قتل ِ عام شروع کر رکھا ہے جبکہ پاکستان پوری دنیا کو بھارتی مظالم سےآگاہ کر رہا ہے۔

میاں اسلم اقبال نے کہا کہ صوبائی وزیر فیاض الحسن چوہان نے اگر پنجاب حکومت کی کارکردگی کے حوالے سے پریس کانفرنس کرلی ہے تو اس میں کوئی مسئلہ نہیں۔

انہوں نے کہا کہ فلسطین اور مقبوضہ کشمیر جیسے مسائل پر اسلامی ممالک کو ایک ہونا چاہیے مگر افسوس کہ ایسا نہیں ہے۔ میاں اسلم اقبال کا کہنا ہے کہ انہیں اسلامی ملک کی جانب سے مودی کو ایوارڈ دینے پر مایوسی ہوئی ہے۔

اس کے علاوہ انہوں نے کہا کہ فضل الرحمان کشمیر کمیٹی کے چیئرمین رہے مگر انہوں نے بھی کوئی کام نہیں کیا۔

قومی خبریں سے مزید