آپ آف لائن ہیں
جنگ ای پیپر
جمعہ20؍محرم الحرام 1441ھ 20؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انٹرمیڈیٹ سائنس پری انجینئرنگ کے سالانہ امتحانات کے نتائج کا اعلان

کراچی(اسٹاف رپورٹر) اعلیٰ ثانوی تعلیمی بورڈ کراچی نے انٹرمیڈیٹ سائنس پری انجینئرنگ کے سالانہ امتحانات برائے 2019ء کے نتائج کا اعلان کردیا ہے۔ سائنس پری انجینئرنگ گروپ کے امتحانات میں میٹروپولس انٹرمیڈیٹ کالج فار گرلز کی علیشبہ ارشد بنت ارشد الدین رول نمبر 923467 نے 1100 میں سے 1005 نمبرز اے ون گریڈ کے ساتھ پہلی پوزیشن حاصل کی۔ گورنمنٹ نیشنل کالج (مارننگ)کے عنایت علی ولد حامد علی رول نمبر 908163 نے 990نمبرز اے ون گریڈ کے ساتھ دوسری پوزیشن جبکہ آدمجی گورنمنٹ سائنس کالج کے عدنان علی بیگ ولد صابر علی بیگ رول نمبر 906845 اور بی اے ایم ایم پی ای سی ایچ ایس گورنمنٹ کالج فار ویمن کی عائشہ خالد بنت خالد جمیل رول نمبر 924915 نے 989 نمبرز اے ون گریڈ حاصل کرتے ہوئے مشترکہ طور پر تیسری پوزیشن حاصل کی۔قائم مقام ناظم امتحانات شجاعت ہاشمی نے نتائج کی تفصیلات بتاتے ہوئے کہا کہ سائنس پری انجینئرنگ کے امتحانات میں 36173 امیدواروں نے رجسٹریشن حاصل کی جبکہ 35412 امیدوار امتحانات میں شریک ہوئے جس میں سے 14060 امیدوار کامیاب

قرار پائے اس طرح کامیابی کا تناسب 39.70فیصد رہا۔

اہم خبریں سے مزید