ہندوستانی فوج کی گیدڑ بھبکیوں سے ڈرنے والے نہیں،راجہ فاروق حیدر

وزیر اعظم آزاد کشمیر راجہ فاروق حیدر نے کہا ہے کہ اگر بھارت نے حملہ کرنے کی کوشش کی تو آزاد کشمیر کے اندر بھارتی افواج کا قبرستان بنا دیں گے، ہندوستانی فوج کی گیدڑ بھبکیوں سے ڈرنے والے نہیں ہیں۔

راجہ فاروق حیدر خان نے ایل او سی بھمبر سیکٹر، کسگمہ،جنڈالہ اور چڑہوئی کوٹلی سیکٹر کا دورہ کیا۔

آزاد کشمیر کی سیاسی جماعتوں نے وزیر اعظم کا فیصلہ تسلیم کرلیا

وزیراعظم آزاد کشمیر فاروق حیدر کی زیر صدارت...

اس موقع پر اجتماع سے خطاب کرتے ہوئے راجہ فاروق حیدر نے کہا کہ ریاست آزاد کشمیر کی طرف میلی آنکھ سے دیکھنے والوں کو نشان عبرت بنائیں گے، پوری قوم پاکستان کی مسلح افواج  کے ساتھ کھڑی ہے، بیس کیمپ سے بھارت کے خلاف بڑی تحریک شروع کی جائے گی۔

انہوں نے مزید کہا کہ ایل او سی پر بسنے والوں کے لیے خصوصی منصوبہ بندی کر رکھی ہے، ترجیحی بنیادوں پر بنیادی سہولیات کی فراہمی یقینی بنائیں گے۔