ڈورٹمنڈ (جنگ نیوز) بارسلونا کی ٹیم یوئیفا چیمپئنز لیگ میں جرمن کلب بورشیا ڈورٹمنڈ کو شکست نہ دے سکی۔
دونوں ٹیموں کے درمیان میچ کسی گول کے بغیر برابر ہوگیا۔ میلان میں اطالوی کلب انٹر میلان کو متبادل کھلاڑی نکولو بریلا کے اضافی وقت میں گول نے پراگ کے کلب سلواویا کے خلاف یقینی شکست سے بچالیا،میچ 1-1 سے ڈرا ہوا۔
دفاعی چیمپئن انگلش کلب لیور پول کو اپنے پہلے میچ میں نپولی کے خلاف دو گول سے شکست کا سامنا کرنا پڑا۔ جبکہ ویلنشیا نے انگلش سائیڈ چیلسی کو ایک گول سے زیر کیا۔