کراچی (اسٹاف رپورٹر) جما عت اہلسنّت پاکستان کراچی کے امیر علامہ شاہ عبد الحق قادری نے کہا ہے کہ حضور نبی کریم ﷺ کے اہل ِ بیت اطہارسے عقیدت و محبت ایمان کی معراج ہے اور ان سے بغض رکھنا دین سے بیرازی کی علامت ہے۔ انہوں نے کہا کہ حضرت امام زین العابدین رضی اللہ عنہ صبر و استقامت کے اعلیٰ درجے کے حامل تھے۔ انہوں نے میمن مسجد میں اجتماع سے خطاب کرتے ہوئے کہا کہ عصر ِ حاضر میں نبی کریم کی سیرت طیبہ کا احیا ء ضروری ہے اللہ اور رسول کے احکا ما ت پر عمل پیرا ہو کر ہم اپنی دنیا و آخرت سنوار سکتے ہیں ۔