• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گوجرانوالہ سے 4 ہزار افراد کو اسمگل کرنیوالا ملزم گرفتار

تازہ ترین
قومی خبریں
13 اکتوبر ، 2019
گوجرانوالہ سے 4 ہزار افراد کو اسمگل کرنیوالا ملزم گرفتار

ایف آئی اے نے گوجرانوالہ میں کارروائی کرتے ہوئے 4 ہزار سے زائد افراد کو غیر قانونی طریقے سے بیرونِ ملک بھیجنے والے انسانی اسمگلر کو گرفتار کر لیا۔

ایف آئی اے کے ڈپٹی ڈائریکٹر رائے نصر اللّٰہ کے مطابق گوجرانوالہ کے علاقے شاہین آباد میں کارروائی کرتے ہوئے ریڈ بُک کے ملزم فیصل ملک کو گرفتار کیا گیا ہے۔

گوجرانوالہ، ایف آئی اے کی کارروائی، انسانی اسمگلر گرفتار

ایف آئی اے نے گوجرانوالہ میں کارروائی کرتے ہوئے...

ملزم انسانی اسمگلنگ میں ملوث بین الاقوامی گروہ کا سرغنہ ہے، اس گروہ میں ایرانی اور ترکش افراد بھی شامل ہیں۔

ملزم کے گروہ نے اب تک پاکستان کے زمینی راستے سے 4 ہزار سے زائد افراد کو اسمگل کیا ہے۔

یہ بھی پڑھیئے: کامونکی سے 3 انسانی اسمگلر گرفتار

ملزم کے خلاف گوجرانوالہ میں 6، گجرات میں 28، لاہور میں 14 جبکہ فیصل آباد اور اسلام آباد میں ایک ایک مقدمہ درج ہے۔

ملزم بیرون ملک روپوش تھا اور سوشل میڈیا کے ذریعے ایف آئی اے افسران کو دھمکیاں بھی دیتا تھا۔

تازہ ترین