ثنائے مصطفیٰ ﷺ من الکلام الکبریاء

10 نومبر ، 2019

مصنّف: پروفیسر سرور حسین خاں

صفحات390:، قیمت 300: روپے

ناشر:غضنفر اکیڈمی، سرسیّد اُردو بازار، ناظم آباد کراچی۔

سیرتِ طیّبہ پر پیش نظر کتاب قرآنِ کریم کی روشنی میں تحریر کی گئی ہے۔ اس اسلوب پر اُردو زبان و ادب میں قبل ازیں متعدد کتابیں شایع ہوچُکی ہیں۔ اس کتاب کی خصوصیت یہ ہے کہ مصنّف نے قرآنِ کریم کی 183آیاتِ مبارکہ کی روشنی میں سیرت النبیؐ کے مضامین و موضوعات کو کتاب کی زینت بنایا ہے۔ کتاب میں موجود آیاتِ مبارکہ کی ترتیب وہی رکھی گئی ہے، جو قرآنِ کریم میں موجود ہے۔

کتاب کی ترتیب و تدوین میں فاضل مصنّف نے متعلقہ موضوع پر بنیادی کتب کے علاوہ متعدد اہم تفاسیر سے بھی بَھر پور استفادہ کیا ہے،جس سے کتاب کی اہمیت کا پتا چلتا ہے۔ کتاب کا بنیادی موضوع سیرت النبی ؐ ہے، جس میںقرآنِ کریم کی روشنی میںعلمی اسلوب میں بحث کی گئی ہے۔کتاب کے آخر میں ایک خصوصی ضمیمہ شامل ہے،جس میں منتخب کتب سیرت کا تعارفی جائزہ بھی پیش کیا گیا ہے۔

تازہ ترین