چونیاں ،3 دن میں 2 بچے لاپتہ

تازہ ترین

قومی خبریں

16 نومبر ، 2019

چونیاں میں بچوں کے اغواء کا سلسلہ نہ رک سکا، 3 دنوں میں 2 بچے لاپتہ ہوگئے پولیس نے مقدمات درج کر لیے ہیں۔

پولیس کے مطابق افضل ٹاؤن سے 13 سالہ بچے شعیب اور چھانگا مانگا سے 15 سالہ عبداللہ لاپتہ ہوئے ہیں۔

ذرائع کے مطابق افضل ٹاؤن کا رہائشی 13 سالہ شعیب مدرسے میں پڑھنے کے لیے گیا لیکن واپس گھر نہ لوٹا، جبکہ دوسرا بچہ چھانگا مانگا کا 15 سالہ عبداللہ ڈانٹ ڈپٹ سے ناراض ہو کر گھر سے چلا گیا اور واپس نہیں آیا ۔

دونوں بچوں کے والدین کی درخواست پر مقدمات درج کرلیے گئے ہیں، پولیس کاکہنا ہے کہ اغواء ہونے والے بچوں کی تلاش کے لیے ٹیم تشکیل دے دی گئی ہے جلد بازیاب کروا لیں گے۔

واضح رہے کہ گزشتہ ماہ پنجاب کے ضلع قصور کی تحصیل چونیاں میں 4 بچوں کو زیادتی کے بعد قتل کرنے والے مرکزی ملزم سہیل کو گرفتار کیا گیا تھا۔

تازہ ترین