آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

صدر مملکت کی کوئٹہ آمد، سڑکوں پر ٹریفک جام

صدر مملکت ڈاکٹر عارف علوی دو روزہ دورے پر کوئٹہ پہنچ گئے، ان کی آمد کے موقع پر شہر کی مختلف شاہراہوں پر ٹریفک جام ہوگیا۔

صدر مملکت کی کوئٹہ آمد، سڑکوں پر ٹریفک جام


صدرمملکت ڈاکٹرعارف علوی کا گورنر بلوچستان امان اللہ یاسین زئی، وزیراعلیٰ جام کمال خان، صوبائی وزراء اور اراکین اسمبلی نے کوئٹہ ایئرپورٹ پر پرتپاک استقبال کیا۔

صدر مملکت کی کوئٹہ آمد کے موقع پر ایئر پورٹ روڈ اور زرغون روڈ آمدورفت کے لیے بند کردی گئی۔

زرغون روڈ کی بندش سے ملحقہ علاقوں میں شدید ٹریفک جام کی صورتحال پیدا ہوگئی اور ملحقہ سڑکوں پر گاڑیوں کی طویل قطاریں لگ گئیں جس کے باعث شہریوں کو شدید مشکلات اور پریشانی کا سامنا کرنا پڑا۔

واضح رہے کہ صدرعارف علوی کوئٹہ میں لائیواسٹاک ایکسپو کاافتتاح کریں گے، اس کے علاوہ وہ گورنر، وزیراعلیٰ اور کابینہ اراکین سے ملاقات بھی کریں گے ۔

اس موقع پر صدر پاکستان کو مختلف ترقیاتی منصوبوں اور صوبے میں امن و امان کی صورتحال کے بارے میں بریفنگ بھی دی جائے گی۔

قومی خبریں سے مزید