کیلیفورنیا میں پارٹی کے دوران فائرنگ ، 4 افراد ہلاک

امریکی ریاست کیلیفورنیا میں ایک گھر میں پارٹی کے دوران فائرنگ سے 4 افراد ہلاک اور متعدد زخمی ہو گئے ۔

پولیس کے مطابق فائرنگ کا واقعہ کیلیفورنیا کے شہر فریسنو میں پیش آیا جہاں گھر میں ایک تقریب جاری تھی۔

امریکا، اسکول میں فائرنگ سے 2 طالب علم ہلاک

امریکا کے ایک اسکول میں فائرنگ سے 2 نوجوان طالب علم...

حکام کے مطابق نامعلوم افراد گھر میں داخل ہوئے اور پارٹی میں شریک افراد پر فائرنگ کر دی جس کے نتیجے میں 4 افراد ہلاک ہوگئے۔

پولیس کے مطابق فائرنگ سے زخمی 6 افراد اسپتال میں زیر علاج ہیں جن میں سے کچھ کی حالت تشویشناک ہے۔

مقامی میڈیا کے مطابق فائرنگ کرنے والے مشتبہ افراد کی کوئی شناخت یا تفصیل سامنے نہیں آ سکی ہے اور نا ہی کسی مشتبہ شخص کو حراست میں لیا گیا ہے۔