پاکستان رینجرز (سندھ) کے زیر انتظام قائد اعظم رینجرز اسپشل چلڈرن اسکول ٹول پلازہ کراچی میں عالمی دن برائے معذور افراد کی مناسبت سے اسپورٹس گالا فیسٹول2019 کی اختتامی تقریب ہوئی۔
تقریب کے مہمان خصوصی ڈی جی رینجرز (سندھ) میجر جنرل عمر احمد بخاری تھے۔
تقریب کے دوران مختلف اسپیشل چلڈرن اسکولوں کے بچوں کے درمیان کھیلوں کے دلچسپ مقابلوں کا انعقاد کیا گیا۔
ڈی جی رینجرز (سندھ) نے تقریب سے خطاب کرتے ہوئے کہا کہ یہ خصوصی بچے بلند حوصلوں اور جذبوں کی علامت ہیں۔ قابل ستائش ہیں وہ والدین اور اساتذہ جو اِن کی تربیت اور پرورش میں مصروف کار ہیں۔
تقریب میں کھیلوں سے منسلک نامور شخصیات کے ساتھ ساتھ کراچی کے اسپشل چلڈرن اسکولوں کے بچوں اور اُن کے والدین نے بھی شرکت کی۔