آپ آف لائن ہیں
ہفتہ17؍ذی الحج 1441ھ8؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

زلمے خلیل زاد طالبان سے مذاکرات کیلئے دوحہ پہنچ گئے

امریکی نمائندہ خصوصی برائے افغانستان زلمے خلیل زاد قطر کے دارالحکومت دوحہ پہنچ گئے، جہاں وہ افغان طالبان کے ساتھ امن مذاکرات دوبارہ شروع کریں گے۔

افغان میڈیا کے مطابق امریکی نمائندہ خصوصی برائے افغانستان زلمے خلیل زاد کابل کے 2 روزہ دورے کے بعد دوحہ پہنچے ہیں۔

یہ بھی پڑھیئے: طالبان سے بات چیت کیلئے زلمے خلیل زاد قطر روانہ

دورۂ کابل میں امریکی نمائندے زلمے خلیل زاد نے افغان قیادت سے ملاقاتوں میں طالبان سے مذاکرات اور افغان امن کی بحالی کے اقدامات پر بات چیت کی تھی۔

امریکی صدر ڈونلڈ ٹرمپ نے 3 ماہ قبل کابل میں حملے میں امریکی فوجی کی موت پر طالبان سے امن مذاکرات منسوخ کیے تھے۔

دو روز قبل امریکی محکمۂ خارجہ نے کہا تھا کہ طالبان سے امن مذاکرات دوبارہ شروع کرنے کے لیے کوششیں جاری ہیں۔

بین الاقوامی خبریں سے مزید