لبنان میں طوفانی بارشوں کے بعد سیلابی صورتحال، شہر ڈوب گئے

بیروت (جنگ نیوز)لبنان میں طوفانی بارشوں کے بعد سیلابی صورتحال پیدا ہوگئی اورشہر ڈوب گئےہیں،تفصیلات کے مطابق لبنان میں طوفانی بارشوں کے نتیجے میں دارالحکومت بیروت اور کئی دوسرے شہر پانی میں ایسے ڈوبے کہ گاڑیوں کی جگہ سڑکوں پر کشتیاں چل پڑیں۔عرب میڈیا کے مطابق بیروت میں سیلاب کی کیفیت ہے اور نظام زندگی درہم برہم ہو کر رہ گیا ہے۔ حکومت نے متعلقہ اداروں کو ہدایت کی ہے کہ وہ پانی کی نکاسی کے لیے فوری اقدامات کریں تاکہ پانی کی وجہ سے بند سڑکوں کو کھولا جاسکے۔