امریکی باکس آفس پر اسٹار وارز نے قبضہ جما لیا

ہالی ووڈ فلم ’’اسٹار وارز دا رائز آف اسکائی واکر‘‘ کا مسلسل تیسرے ہفتے بھی امریکی باکس آفس پرراج برقرار ہے ، فلم نے 5 ارب 22 کروڑروپے سے زائد کما کردیگرفلموں کو پیچھے چھوڑ دیاہے۔

امریکیوں نے ثابت کردیا کہ وہ آج بھی اسٹاروارز سیریز کے دیوانے ہیں ۔

فلم ’’اسٹار وارز دا رائز آف اسکائی واکر‘‘ نے تیسرے ویک اینڈ پر5ارب 22 کروڑ روپے سے زیادہ کما کرپہلے پائیدان پرقبضہ برقرار رکھا ہے، مجموعی طورپر سائنس فکشن فلم دنیا بھر سے بہتر ارب انچاس کروڑ روپے سے زائد رقم بٹورچکی ہے۔

فلم جمانجی کے سیکوئیل نے بھی شائقین کو اپنے سحرمیں جکڑ رکھا ہے، ایکشن فلم’ جمانجی: دی نیکسٹ لیول‘نے 4 ارب 10 کروڑروپے سے زیادہ کمائے اوردوسرے نمبرپررہی۔

فلم ’لٹل ویمن ‘ نے 2 ارب 10 کروڑ روپے سے زیادہ کمائی کی اور تیسرے نمبرپررہی جبکہ فلم کو گولڈن گلوب ایوارڈ کے لیے بہترین فلم اوربہترین ہدایتکارہ کی دو کیٹیگری میں نامزد کیا گیا ہے ۔