بافٹا ایوارڈز، فلم ’جوک‘ سب سے آگے

آسکراور گولڈن گلوب ایوارڈز کے بعد اہم ترین برٹش فلمی ایوارڈز ’دی برٹش اکیڈمی آف فلم اینڈ ٹیلی وژن آرٹس‘ کے لیے فلموں، اداکاروں و ڈائریکٹرز سمیت تمام کیٹیگریز کی نامزدگیوں کا اعلان کردیا گیا ہے۔

مجموعی طور پر بافٹا ایوارڈز 2020 کے لیے 25 کیٹیگریز کی نامزدگیوں کا اعلان کیا گیا ہے ہالی ووڈ ہارر کامیڈی فلم ’جوکر‘ زیادہ نامزدگیوں کے ساتھ سب سے آگے ہے۔

’جوکر‘ کو مجموعی طور پر 11 نامزدگیاں ملی ہیں جبکہ نیٹ فلیکس کی ڈرامہ فلم ’دی آئرش مین‘ اور ’ونس اپ اون اے ٹائم ان ہالی وڈ‘ کو 10 نامزدگیاں ملی ہیں۔

دلچسپ بات یہ ہے کہ ’گولڈن گلوب‘ ایوارڈز میں بہترین فلم کا ایوارڈ جیتنے والی فلم ’1917‘ کو 9 نامزدگیاں ملی ہیں۔

بہترین فلم کی کیٹیگری میں ’جوکر، 1917، دی آئرش مین، ونس اپ  اون اے ٹائم ان ہالی وڈ اور پیراسائیٹ کو نامزد کیا گیا ہے۔

کیلیفورنیا میں گولڈن گلوب ایوارڈز کی تقریب

کیلیفورنیا میں 77 ویں گولڈن گلوب ایوارڈز کی رنگا...

اسی طرح بہترین اداکاروں کی کیٹیگری میں لیونارڈو ڈی کیپریو، ایڈم رور، ٹارن اگرٹن، جیکوئن فیونکس اور جوناتھن پرائس کو نامزد کیا گیا ہے۔

بہترین اداکارہ کی کیٹیگری کے لیے جیسی بکلی، اسکارلٹ جانسن، سائروسی رونن، چارلیز تھرون اور رنی زلوگر کو نامزد کیا گیا ہے۔

بافٹا ایوارڈز کی تقریب آئندہ ماہ 2 فروری کو لندن میں ہوگی۔