برفباری کا نیا سلسلہ، آزاد کشمیر کے بالائی علاقوں میں امدادی آپریشن معطل، لوگ محصور

اسلام آباد ،مظفر آباد (نمائندگان جنگ / نیوز ایجنسیاں) آزاد کشمیر کی برفانی تودوں سے متاثرہ وادی نیلم میں برف باری کا نیا سلسلہ شروع ہوگیا خراب موسمی حالات کی وجہ سے بالائی علاقوں میں امدادی آپریشن روک دیا گیا۔وادی نیلم کے بالائی علاقوں کا زمینی رابطہ سرتوڑ کوششوں کے باوجود بحال نہیں ہو سکا ۔ بالائی وادی نیلم میں ہزاروں افراد محصور ہیں اور خوراک کی قلت پیدا ہونے کا خدشہ ہے۔