کورونا کاخوف، چین کے ہوٹل میں روبوٹ کھانا پیش کرینگے

چین میں کورونا وائرس کا خوف ہر طرف پھیلا ہوا ہے، ایک ہوٹل نے اپنے کسٹمرز کو کھانا پیش کرنے کیلئے روبوٹس کا استعمال شروع کردیا۔

چین کے ہوٹل نے احتیاطی تدابیر کے طور پر اپنے تمام مہمانوں کو کھانا پیش کرنے کیلئے روبوٹ استعمال کرنا شروع کردیا، 16 منزلہ عمارت کی ہر منزل پر یہ خدمت اب روبوٹ پیش کررہے ہیں۔

ویڈیو میں دیکھا جاسکتا ہے کہ ماسک لگائے ہوٹل کے مہمان روبوٹ سے کھانا وصول کرنے کے بعد اپنے کمروں میں جارہے ہیں۔

چین میں کورونا وائرس مزید 245 زندگیاں نگل گیا

چین میں کورونا وائرس سے مزید 245 افراد ہلاک ہوگئے،مرنے والوں کی مجموعی تعداد 1360 ہوگئی

کورونا وائرس پھیلنے کے بعد سے چین کی مختلف صنعتوں میں روبوٹ کام کررہے ہیں جبکہ چین کےشہر ووہان میں بھی خود کار ڈیلیوری روبوٹس کے ذریعے سامان کی ترسیل جاری ہے۔

یاد رہے کہ چین میں کورونا وائرس سے ہلاک ہونیوالے افراد کی تعداد 1360 سے تجاوز کر چکی ہے ۔