آپ آف لائن ہیں
جنگ ای پیپر
منگل30؍ جمادی الثانی 1441ھ 25؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

پاک بحریہ کی پی این ایس یرموک کی کمشننگ تقریب کا رومانیہ میں انعقاد

پاک بحریہ کی رومانیا میں تقریب


پاک بحریہ کے جہاز پی این ایس یرموک کی کمیشننگ تقریب کا انعقاد رومانیہ کی بندرگاہ کانسٹنٹا میں کیا گیا جس میں وائس چیف آف نیول اسٹاف، وائس ایڈمرل محمد فیاض جیلانی تقریب کے مہمانِ خصوصی تھے۔

وائس ایڈمرل محمد فیاض جیلانی نے تقریب سے خطاب کرتے ہوئے بحری حدود میں جدید جہازوں کی اہمیت پر زور دیا۔ انہوں نے کہا کہ بحری بیڑے میں ان جہازوں کی شمولیت پاک بحریہ کی دفاعی صلاحیت کو بڑھانے اور سمندری مفادات کے تحفظ میں اہم کردار ادا کرے گی۔

مہمانِ خصوصی نے M/s DAMEN شپ یارڈز کی پیشہ وارانہ قابلیت اور اعلی معیار کے پلیٹ فارم کی بر وقت تعمیر کو بھی سراہا۔

اُنہوں نے کہا کہ پی این ایس یرموک الیکٹرانک وارفیئر، اینٹی شپ اور اینٹی ائیر وارفیئر پلیٹ فارم ہے جس میں جدید دفاعی نظام اور خود ساختہ تحفظ کی صلاحیت موجود ہے۔

اُنہوں نے کہا کہ یہ جہاز بیک وقت مختلف میری ٹائم آپریشنز سر انجام دینے کی صلاحیت رکھتا ہے جن میں ہیلی کاپٹر اور یو اے ویز کی نقل و حرکت شامل ہے۔

علاوہ ازیں، پاک بحریہ کے ساتھ دو کورویٹ تعمیر کرنے کے معاہدے کے تحت دوسرا جہاز پی این ایس تبوک رواں سال کے وسط میں پاک بحریہ کے بیڑے میں شامل ہوجائے گا۔

واضح رہے کہ کمیشننگ تقریب میں چیف نیول اوور سیئر(رومانیہ)، دوست ممالک کے سفارت کار، M/s DAMEN شپ یارڈز کے سینئر مینجمنٹ گورینشم اینڈ گولاٹی اور وزارت دفاعی پیداوار پاکستان کے عہدیداران نے بھی شرکت کی۔

قومی خبریں سے مزید