پاکستان سپر لیگ فائیو کا آج سے آغاز

نیشنل اسٹیڈیم کراچی میں آج سے چھکےچوکوں کا طوفان آئے گا گیند بلے کا جادو سر چڑھ کر بولےگا، گلیاں اڑیں گی، دلوں کی دھڑکنیں تیز ہوں گی۔

پاکستان سپر لیگ کے پانچویں ایڈیشن میں جوش، جذبہ، ایکشن، دھمال، نعرے، باجے، سب رنگ ہوں گے ایک ساتھ، انتظار کی گھڑیاں ختم ہو چکی ہیں اور پاکستان سپر لیگ فائیو کا آغاز آج سے ہورہا ہے۔

پی ایس ایل فائیو میں 6 ٹیمیں خوبصورت ٹرافی کی جنگ جیتنے کو تیار ہیں، رنگا رنگ افتتاحی تقریب آج کراچی میں ہوگی۔

افتتاحی تقریب میں کرکٹ ایکشن سے موسیقی کا تڑکا بھی لگے گا، راحت فتح علی خان، عارف لوہار، سجاد علی، ابرارالحق سمیت آئمہ بیگ بھی اپنی گائیکی سے حاضرین کا لہو گرمائیں گی، تقریب جیوسوپر سے براہ راست نشر کی جائے گی۔