اعصام الحق ایک بار پھر رشتہ ازدواج میں بندھ گئے

پاکستانی ٹینس اسٹار اعصام الحق ایک بار پھر رشتہ ازدواج میں بندھ گئے، اُن نکاح ہوگیا، شادی کی تقریب اگلے ماہ ہوگی۔

ٹینس اسٹاراعصام الحق کے نکاح کی تقریب چند روز قبل لاہور میں ہوئی جس میں ان کے عزیز و اقارب نے شرکت کی۔

یہ بھی پڑھیے: ‏ اعصام الحق نے نیویارک اوپن کا ڈبلز ٹائٹل جیت لیا

اعصام الحق کا نکاح 19 فروری کو لاہور کی ثناء فیاض سے ہوا، جس کے بعد وہ فرانس روانہ ہوگئے۔

خاندانی ذرائع کے مطابق اعصام الحق کی شادی کی تقریب اگلے ماہ ہوگی۔

اس سے قبل اعصام الحق 2011 میں رشتہ ازدواج میں منسلک ہوئے تھے، تاہم 2012 میں ان کی علیحدگی ہوگئی تھی۔