مریم کا نام ECL سے نکالنے کی درخواست، اٹارنی جنرل طلب

لاہور ہائی کورٹ میں سابق وزیرِ اعظم میاں نواز شریف کی صاحبزادی اور مسلم لیگ نون کی نائب صدر مریم نواز کا نام ای سی ایل سے نکالنے کی درخواست پر سماعت ہوئی۔

لاہور ہائی کورٹ کے جسٹس علی باقر نجفی کی سربراہی میں 2 رکنی بنچ نے درخواست کی سماعت کی۔

مریم نواز لندن نہیں جائیں گی، شیخ رشید

وزیر ریلوے نے کہا کہ مولانا فضل الرحمان اگر دھرنا دینے آئے تو دھر لیے جائیں گے۔

عدالتِ عالیہ نے آئندہ سماعت پر اٹارنی جنرل پاکستان کو ذاتی حیثیت میں طلب کر لیا جبکہ کیس کی مزید سماعت 1 ہفتے کے لیے ملتوی کر دی۔

اس کیس کی 18 فروری کو گزشتہ سماعت کے موقع پر لاہور ہائی کورٹ نے مریم نواز کا نام ای سی ایل سے نکالنے کی درخواست پر نیب کو نوٹس جاری کرتے ہوئے سماعت (25 فروری) آج تک ملتوی کر دی تھی۔

یہ بھی پڑھیئے: مریم کا نام ECL سے نہیں نکالا جائے گا، غلام سرور

نئی دائر کی گئی درخواست میں مریم نواز کے وکیل کی جانب سے عدالتِ عالیہ سے استدعا کی گئی ہے کہ عدالت مریم نواز کو بیرون ملک جانے کی اجازت دے۔

نئی درخواست میں سابق وزیرِ اعظم نواز شریف کی تازہ ترین میڈیکل رپورٹس کو بھی حصہ بنایا گیا ہے۔