پاکستان معاشی ترقی کر رہا ہے، چینی سفیر

10 مارچ ، 2020

پاکستان میں تعینات چینی سفیر یاؤ جنگ کا کہنا ہے کہ پاکستان میں کاروبار میں آسانی لائی جا رہی ہیں، اب پاکستان معاشی ترقی کر رہا ہے۔

چینی سفیر یاؤ جنگ نے ایک سیمینار سے خطاب کے دوران کہا کہ پاکستان میں اقتصادی وژن رکھنے والی حکومت ہے، پاکستان ابھرتی ہوئی معشیت ہے، چین کو پاکستان کی معشیت پر بھر پور اعتماد ہے، چینی سرمایہ کاروں کو پاکستانی معشیت پر مکمل اعتماد ہے۔

چینی سفیر یاؤ جنگ نے کہا کہ مشترکہ سرمایہ کاری حوصلہ افزا ہے ، اب پاکستان میں معاشی حالات میں استحکام آ رہا ہے، سی پیک دوسری مرحلے میں داخل ہو گیا ہے، سی پیک کے دوسرے مرحلہ میں چار اہم شعبوں می تعاون کو فروغ دیا جائے گا، ہم مشترکہ اقتصادی زون بنا رہے ہیں۔

یاؤ جنگ نے کہا کہ چین پاکستان میں صعنتی تعاون کو فروغ دے رہا ہے، چین پاکستان میں زرعی شعبے میں تعاون کو فروغ دے گا، زراعت کے فروغ کے لیے پاکستان میں زرعی ٹیکنالوجی کو فروغ دیا جائے گا۔

انہوں نے مزید کہا کہ چین تعلیم، صحت اور غربت کے خاتمے کے لیے پاکستان سے تعاون کرے گا، تعلیم سمیت مختلف شعبوں میں 17 منصوبوں پر کام کر رہے ہیں، سائنس اینڈ ٹیکنالوجی میں تعاون کو فروغ دیا جا رہا ہے جبکہ ٹیکنالوجی کی اپ گریڈیشن اورپاکستانی سائنسدانوں کی تربیت دی جائے گی۔

چینی سفیر یاؤ جنگ کا مزید کہنا تھا کہ ہماری حکومت کی پالیسی ہے کہ پاکستان میں برائے راست سرمایہ کاری کریں، سی پیک کے تحت اقتصادی ژون میں کوئی بھی ملک سرمایہ کاری کر سکتا ہے، گزشتہ ڈیڑھ سال میں دونوں ممالک کی صنعتوں کے درمیان جوائنٹ وینچرز ہوئے ہیں۔

تازہ ترین