سرحد کے قریب بھارتی حکام گوریلا بن گئے

10 مارچ ، 2020

بھارتی حکام نے سرحدی علاقوں میں بندروں سے بچنے کے لیے نیا حربہ ڈھونڈ لیا ہے اور گوریلا کا روپ دھار لیا۔

غیر ملکی ٹیبلائیڈ کی رپورٹ کے مطابق بھارت میں بندروں کی بڑھتی ہوئی تعداد اور اس جانور کی وجہ سے بچوں کی اموات ایک بہت بڑا مسئلہ بنتا جارہا ہے۔

ایسے میں ایک ویڈیو منظر عام پر آئی جو بھارت کے سرحدی علاقے کی تھی جس میں کچھ سیکیورٹی حکام کو بندروں کو علاقے سے بھگانے کے لیے گوریلا کا روپ دھارتے ہوئے دیکھا جاسکتا ہے۔

ان حکام نے گوریلا بن کر بندروں کو سرحد سے باہر نکال کر نیپال کی حدود میں جانے پر مجبور کردیا۔

ویڈیو میں دیکھا جاسکتا ہے کہ یہ حکام گوریلا کے روپ میں جیسے ہی ان تک پہنچے ویسے ہی بندر کمپاؤنڈ سے نکل کر جنگل میں بھاگ گئے ہیں۔

جب تک انہیں یہ یقین نہیں ہوگیا کہ تمام بندر جنگل کی جانب چلے گئے ہیں تب تک وہ اس علاقے میں پیٹرولنگ کرتے رہے۔

تازہ ترین