میں لاہوری ہوں تو فائنل میں قلندرز کے ساتھ مقابلہ چاہوں گا، وہاب ریاض

کپتان پشاور زلمی وہاب ریاض نے لاہور میں گفتگو کرتے ہوئےکہا کہ میں لاہوری ہوں تو فائنل میں لاہور قلندرز کے ساتھ مقابلہ چاہوں گا۔

پاکستان سُپر لیگ کے پانچویں ایڈیشن کے سیمی فائنل میں پہنچنے والی ٹیم پشاور زلمی کے کپتان وہاب ریاض کا کہنا ہے کہ اہم میچ ہے اب غلطی کی گنجائش نہیں ہے۔

پی ایس ایل فائیو کی سیمی فائنلسٹس کا فیصلہ ہوگیا

دونوں سیمی فائنل 17 مارچ کو قذافی اسٹیڈیم لاہور میں کھیلے جائیں گے، پہلے میچ میں سلطانز اور زلمی مد مقابل ہوں گی جبکہ دوسرے میچ میں کنگز اور قلندرز کے درمیان جوڑ پڑے گا۔

وہاب ریاض نے کہا کہ ہم ملتان سلطانز سے ضرور ہارے ہیں لیکن اب ہمیں اپنی خامیوں پر قابو پانا ہوگا۔

اُنہوں نے کہا کہ ڈیرن سیمی دستیاب ہیں ان کو کھلانے کا چانس ہے۔ اُنہوں نے کہا کہ ابھی دیکھیں گے کہ پریکٹس میں ڈیرن سیمی کیسے ہیں۔

اُنہوں نے کورونا کے حوالے سے کہا کہ کورونا وائرس پھیل رہا ہے لوگوں کو صحت کا خیال رکھنا بہت ضروری ہے۔