حکومت ضرورت پڑنے پر اہم شہروں ميں کرفیو نافذ کردے، ایاز لطیف پلیجو

قومی عوامی تحریک کے صدر ایاز لطیف پلیجو نے کہا ہے کہ کورونا وائرس سے بچاؤ کے حفاظتی اقدامات میں مداخلت کرنے والوں کو گرفتار کرلیا جائے۔ حکومت کو چاہیے کہ ضرورت پڑنے پر اہم شہروں میں کرفيو نافذ کردے۔

اپنے بیان میں ایاز لطیف پلیجو کا مزید کہنا تھا کہ لاک ڈاؤن میں حکومت بےروزگار خاندانوں کو 15ہزار روپے یا پھر ضروری راشن فراہم کرے۔

انہوں نے یہ بھی کہا کہ تمام قرنطینہ کی حالت اور معيار کو بہتر بنايا جائے، مشکل گھڑی میں وفاق اور صوبے ساتھ مل کر کام کریں۔