چین سے طبی آلات کی ایک اور کارگو فلائٹ کی کراچی آمد

چینی حکومت کی جانب سے پاکستان میں کورونا وائرس پر قابو پانے کے لیے طبی امدادی سامان لے کر تیسرا کارگو ہوائی جہاز کراچی پہنچ گیا ہے۔

ایئرپورٹ ذرائع کے مطابق چینی کمپنی وائی ٹی او کارگو ایئر لائنز کی پرواز وائی جی 9067 نے آج دوپہر سوا بارہ بجے کراچی کے جناح انٹرنیشنل ایئرپورٹ پر لینڈنگ کی۔

یہ بھی پڑھیے:پنجاب 490 کوروناکیسز کیساتھ سندھ سےآگے

3 دن کے دوران چین سے طبی امدادی سامان کی لانے والی تیسری پرواز ہے۔ طیارے میں کرونا وائرس سے بچاؤ کا سامان پاکستان پہنچایا گیا ہے۔

طبی سہولتیں، ڈاکٹرز بھیجنے پر چین کا شکریہ، فردوس عاشق

وزیرِ اعظم عمران خان کی معاونِ خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ کورونا وائرس کے چیلنج سے نمٹنے کے لیے طبی سہولتیں، سامان اور ڈاکٹرز بھیجنے پر عظیم دوست چین کا شکریہ ادا کرتے ہیں۔

گزشتہ روز چین کے شہر کنمنگ کے ایئرپورٹ سے میڈیکل آلات لے کر پہنچنے والی گورنر سندھ عمران اسماعیل نے جہاز کا استقبال کیا تھا۔