ڈپٹی کمشنر جنوبی وزیرستان حمیداللہ خٹک نے کہا ہے کہ ضلع میں اب تک کورونا کا کوئی کیس نہیں آیا تاہم 4 مشتبہ افراد کو قرنطینہ میں رکھا گیا ہے۔
جنوبی وزیرستان کے ڈپٹی کمشنر حمید اللہ خٹک نے جیو نیوز کو بتایا کہ ضلع میں مشتبہ کیسز کی تعداد 6 تھی جن میں سے 2 مشتبہ کیسز کی کورونا رپورٹ منفی آئی ہے۔
ڈپٹی کمشنر نے بتایا کہ جنوبی وزیرستان میں 7 قرنطینہ سینٹر اور آئسولیشن وارڈز قائم کیے گئے ہیں جبکہ لاک ڈاؤن کے آٹھویں روز تجارتی مراکز بند ہیں تاہم اشیائے خوردونوش اور ادویات کی دکانیں کھلی ہیں۔