کورونا وائرس: پنجاب میں 18 ارب روپے کا ٹیکس ریلیف پیکیج

پنجاب کے وزیر خزانہ مخدوم ہاشم جواں بخت نے کہا ہے کہ کورونا سے متاثرہ شعبہ جات کے لیے 18 ارب روپے کا ٹیکس ریلیف پیکیج دیا جارہا ہے۔ 

طبی مشاورت اور اسپتالوں میں دی جانےوالی سروسز پر سیلز ٹیکس معطل کردیا ہے۔

وزیرخزانہ پنجاب نے مزید کہا کہ سہولت تعمیرات سے متعلقہ خدمات پر بھی دی جا رہی ہے تاکہ معیشت کا پہیہ متحرک رہے، پیکیج کے تحت غیرمنقولہ شہری جائیداد پر پراپرٹی ٹیکس اور انفراسٹرکچر ڈیولپمنٹ بھی موخر کردیا گیا ہے۔

مخدوم ہاشم جوان بخت نے کہا کہ رئیل اسٹیٹ اور کنسٹرکشن کا شعبہ معیشت میں بہتری اور بیروزگاری میں کمی کے حوالے سے اہم ہے، کیپیٹل ویلیو ٹیکس اور اسٹامپ ڈیوٹی کی شرح میں دو فیصد تک کمی کی جا رہی ہے۔