ملتان(سٹاف رپورٹر) محکمہ سپیشلائزڈ ہیلتھ کئیر اینڈ میڈیکل ایجوکیشن پنجاب نے کورونا وائرس مینجمنٹ کے لئے ڈیوٹی دینے والے طبی عملہ کو ادارہ کی گاڑیاں فراہم کرنے کی ہدایت کی ہے۔محکمہ نے صوبہ بھر کی میڈیکل یونیورسٹیوں،میڈیکل کالجز، ٹیچنگ ہسپتالوں کے سربراہان کو جاری مراسلہ میں کہا ہے کہ ادارہ کی گاڑیاں جو آفیشلز یا طالبعلموں کے لئے استعمال کی جاتی ہیں۔کرونا وائرس مینجمنٹ کے لئے ڈیوٹی دینے والے طبی عملہ کی ٹرانسپورٹیشن کے لئے فراہم کی جائیں۔