• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چین، سیچوان کے جنگل میں خوفناک آگ، 18 فائر فائٹرز سمیت 19 افراد ہلاک

آج کا اخبار
دنیا بھر سے
01 اپریل ، 2020
چین، سیچوان کے جنگل میں خوفناک آگ، 18 فائر فائٹرز سمیت 19 افراد ہلاک

کراچی (نیوز ڈیسک) چین کے صوبے سیچوان کے جنگل میں لگی آگ بجھانے کی کوشش کے دوران آگ 18 فائر فائٹرز سمیت 19 افراد ہلاک ہو گئے ہیں۔چین کے ریاستی میڈیا کے مطابق ہلاک ہونے والوں میں آگ بجھانے والے عملے کا گائیڈ بھی شامل ہے۔چینی خبر رساں ادارے ژینوا کے مطابق منگل کی صبح یہ حادثہ اس وقت پیش آیا جب ہوا کا رخ اچانک بدلا جس کے باعث آگ بجھانے والے عملے کا ایک گروپ چاروں اطراف سے آگ میں گھیرا گیا۔جنگل میں لگی یہ آگ اب ایک ہزار ہیکٹر رقبے کو اپنی لپیٹ میں لے چکی ہے۔آگ پر قابو پانے کے لیے دو ہزار سے زیادہ امدادی کارکن اور آگ بجھانے کے عملے کے اہلکاروں کو بھیجا گیا تھا۔ متاثرہ علاقے سے 12 سو مقامی افراد کو بحفاظت نکال کر محفوظ علاقوں تک پہنچایا جا چکا ہے۔یہ آگ پیر کی صبح ایک فارم ہاؤس میں لگی تھی تاہم تیز ہوا کے باعث آگ کے شعلے جلد ہی قریبی پہاڑوں تک پھیل گئے۔ہلاک ہونے والا گائیڈ مقامی فارم ہاؤس کا ملازم تھا اور وہ آگ بجھانے والے عملے کے 22 رکنی گروہ کی جنگل میں رہنمائی کر رہا تھا۔اس حادثے میں عملے کے تین ارکان زخمی بھی ہوئے جنھیںاسپتال پہنچا دیا گیا ہے۔مقامی میڈیا کے مطابق جنگل سے متصل قریبی شہر زی چانگ پر دھوئیں کے گہرے بادل چھائے ہوئے ہیں۔ایک سال قبل بھی اس علاقے میں آگ بھڑک اٹھی تھی جسے بجھانے کی کوششوں کے دوران 30 فائر فائٹرز ہلاک ہو گئے تھے۔

تازہ ترین