جرمن فٹبال کلب بائرن میونخ نے ٹریننگ کا آغاز کردیا

دنیا بھر میں پھیلے کورونا وائرس کی وجہ سے کھیلوں کی سر گرمیاں معطل ہیں لیکن جرمن فٹبال کلب بائرن میونخ نے ٹریننگ کا آغاز کردیا۔

جرمنی کے شہر میونخ میں بنڈس لیگا کے کلب بائرن میونخ نے پریکٹس کا آغاز کردیا ہے لیکن کورونا وائرس کے خطرات کی پیش نظر پریکٹس کے دوران کھلاڑیوں نے سماجی فاصلہ اختیار کیا ہوا ہے۔

جرمن فٹبال لیگ کورونا وائرس کے باعث 28 مئی تک ملتوی کردی گئی ہے لیکن کھلاڑی خود کو فٹ رکھنے کے لیے پریکٹس کر رہے ہیں۔

جرمن فٹبال لیگ میں بائرن میونخ 55 پوائنٹس کے ساتھ ٹاپ پوزیشن پر ہے، بروشیا ڈورٹمنڈ دوسرے اور لیپزگ تیسرے نمبر پر ہے۔