لڑکی نے 20 انجیکشن لگواکر ہونٹوں کا نقشہ بگاڑدیا

بلغاریہ سے تعلق رکھنے والی ایک 22 سالہ لڑکی نے بڑے ہونٹ کی خواہش میں اپنے ہونٹوں پر 20  انجیکشن لگوا لیئے۔

اینڈریا نامی 22 سالہ لڑکی نے بڑے ہونٹوں کی خواہش کی وجہ سے 20 ویں مرتبہ انجیکشن لگوانے کے بعد اپنی تصویر سوشل میڈیا پر پوسٹ کی جو کہ وائرل ہوگئی ہے۔

اینڈریا نے سب سے پہلے 2018 میں اپنے ہونٹ بڑے کروانے کے لیے انجیکشن لگوائے تھے جس کے بعد انہیں انسٹاگرام پر مقبولیت حاصل ہوئی۔

انہوں نے اپنے ہونٹوں کو بڑا کروانے کے لیے اب تک بے شمار پیسے خرچ کیے ہیں ۔

اینڈریا نےکہا کہ مجھے اپنے ہونٹ کی یہ نئی تبدیلی بے حد اچھی لگ رہی ہے اور میں نئے ہونٹوں کے ساتھ بہت خوش ہوں کیونکہ یہ بہت بڑے ہیں۔

لڑکی کا کہنا تھا کہ انجیکشن لگوانے کے بعد مجھے 2 سے 3 روز تک کھانا کھانے میں مشکل کا سامنا کرنا پڑتا ہے۔