لوگوں کو گھروں میں بند رکھنے کیلئے چڑیل باہر نکل آئی

14 مئی ، 2020

کورونا وائرس کے پھیلاؤ کو روکنے کے لیے بھارت میں انوکھا اقدام اٹھاتے ہوئے ایک خاتون کوچڑیل کا روپ دے کر گلیوں میں گشت کرایا جاتا ہے، لوگ اس کی پائل کی آواز سن کر گھروں میں سہم کر بیٹھنے پر مجبور ہیں۔

دنیا بھر میں متعدد ممالک میں لاک ڈاؤن اور جزوی کرفیو نافذ کیا گیا ہے جبکہ لوگوں نے اسے بے حد غیر سنجیدہ لیا ہوا ہے۔

لوگوں کو گھروں میں بند رکھنے کیلئے چڑیل باہر نکل آئی

لاک ڈاؤن کے باوجود بھی لوگ اپنے گھروں سے باہر نکل رہے ہیں اور گھروں سے باہر نکلتے دوران کوئی سماجی دوری کا بھی خیال نہیں رکھتا۔

بھارتی ریاست اڑیسہ کے ایک گاؤں کی پنچائت نے لوگوں کو گھروں میں رکھنے کے لیے ایک نئی حکمت عملی سوچی۔

گاؤں کی پنچائت نے اس کام کے لیے ایک خاتون کو چنا جو ساڑھی پہنے منہ پر سفید رنگ کی چاک لگائے ساتھ میں پاؤں میں پایل باندھ کر رات میں گلیوں پر گشت کرتی ہے۔

گاؤں کی گلیوں میں اس ڈراؤنی دکھنے والی خاتون اور اس کی پایل کی آواز سے ڈر کر لوگ اپنے اپنے گھروں میں رہنے پر ہی مجبور ہیں۔

یاد رہے کہ بھارت میں کوورونا وائرس سے متاثرہ مریضوں کی تعداد 67 ہزار تک جا پہنچی ہے جبکہ وائرس سے ہونے والی ہلاکتوں کی تعداد بھی 2 ہزار سے زائد ہے۔

تازہ ترین