پنجاب میں پیر سے شاپنگ مال، حجام، سیلون کھلیں گے

پنجاب میں پیر سے شاپنگ مالز، آٹو انڈسٹری، حجام اور سیلونز کو بھی کام کی اجازت دینے کا فیصلہ کیا گیا ہے۔

شاپنگ مالز کے اوقات کار کا بھی تعین ہوگیا، شاپنگ مالز میں آنے والوں کا تھرمل گن سے ٹمپریچر چیک کرنے کے علاوہ ہینڈ سینیٹائزر اور ماسک کا استعمال یقینی بنایاجائے گا۔

علاوہ ازیں حکومت پنجاب نے 18مئی سے پبلک ٹرانسپورٹ چلانے کی مشروط اجازت دینے کا اصولی فیصلہ کیا ہے جبکہ ٹرانسپورٹرز کو کرائے کم کرنے کی ہدایت بھی کی گئی ہے۔