پبلک ٹرانسپورٹ اونرز کا قومی ایس او پیز کا مطالبہ

پبلک ٹرانسپورٹر اونرز کی چاروں صوبوں سے مشترکہ ایکشن کمیٹی کے اجلاس میں کہا گیا ہے کہ ہر صوبے کے ایس او پیز میں ابہام ہے۔

پبلک ٹرانسپورٹر اونرز کے رہنما ملک ندیم حسین نے کہا کہ جب تک قومی ایکشن کمیٹی مشترکہ ایس او پیز نہیں بناتی بسیں نہیں چلائیں گے۔

انہوں نے مزید کہا کہ ہر صوبے کے ایس اوپیز میں ابہام ہے، مشترکہ ایس اوپیز نہ بنے تو نہ عید تک اور نہ بعد میں بسیں چلائیں گے۔

ملک ندیم حسین نے واضح طور پر کہا کہ وفاقی حکومت سے صرف مشترکہ ایکشن کمیٹی مذاکرات کرے گی، قومی سطح پر ایس او پیز بننے تک کسی صوبے میں ٹرانسپورٹ نہیں چلائیں گے۔