عثمان بزدار کی شہید پائلٹ کیپٹن سجاد گل کی رہائش گاہ آمد

وزیراعلیٰ پنجاب سردار عثمان بزدار طیارہ حادثہ میں شہید پائلٹ کیپٹن سجاد گل کی رہائش گاہ پہنچے اور اہل خانہ سے دکھ اور افسوس کا اظہار کیا۔

وزیراعلیٰ عثمان بزدار نے شہید پائلٹ سجاد گل کے سوگوار خاندان سے دلی ہمدردی و اظہار تعزیت کیا، عثمان بزدار نے شہید کے والد، اہلیہ، بیٹے، بیٹی اور دیگر اہل خانہ کو دلاسہ دیا۔

طیارہ حادثہ: انویسٹی گیشن بورڈ قائم

کراچی میں گزشتہ روز پی آئی اے کے طیارے کو پیش آنے والے حادثے کی تحقیقات کے لیے ایکسیڈنٹ انویسٹی گیشن بورڈ بنا دیا گیا۔

اس موقع پر وزیر اعلیٰ پنجاب کا کہنا تھا کہ طیارہ حادثے میں پائلٹ سجاد گل کی شہادت پر دلی رنج ہوا ہے، عید پر سوگوار خاندان سے ان کا دکھ بانٹنے کے لیے آیا ہوں۔

انہوں نے مزید کہا کہ پائلٹ سجاد گل نے فرض کی ادائیگی کے دوران شہادت کا بلند رتبہ پایا، کراچی طیارہ حادثہ ایک قومی سانحہ ہے جس پر قوم افسردہ ہے۔

کراچی طیارہ حادثہ: کپتان نے کریش سے پہلے لینڈنگ کی کوشش کی

ذرائع نے بتایا کہ انجن کے رن وے سے ٹکرانے کے نشانات بھی موجود ہیں، طیارے کے انجن کے کچھ ٹکڑے بھی ملے۔

انہوں نے یہ بھی کہا کہ المناک حادثے کے نتیجے میں بچھڑنے والوں کا دکھ ان کے پیارے ہی جانتے ہیں، پنجاب حکومت دکھ کی اس گھڑی میں غمزدہ خاندانوں کے ساتھ کھڑی ہے۔