امید ہے رمضان کے اختتام کے ساتھ کورونا کا بھی اختتام ہوجائے : جوہی چاؤلہ

بالی ووڈ کی معروف اداکارہ جوہی چاؤلہ نے کہا کہ وہ پُرامید ہیں کہ رمضان کے اختتام کے ساتھ ساتھ عالمگیر وبا کورونا کا بھی اختتام ہوجائے ۔

سماجی رابطے کی ویب سائٹ ٹوئٹر پرعید الفطر کی مناسبت سے ایک پیغام شیئر کیا اور مسلم امہ کو عید کی مبارکباد دی۔

بھارتی اداکاراؤں کیجانب سے عید مبارک

دُنیا کے دیگر ممالک کی طرح پاکستان میں بھی عید الفطر گزشتہ روز منائی گئی تھی جبکہ بھارت میں شوال کا چاند 23 مئی کو نظر نہ آنے کی وجہ سے اِس بار عید آج یعنی 25 مئی کو منائی جارہی ہے ایسے میں بھارتی اداکاراؤں نے سوشل میڈیا پر اپنے مسلمان مداحوں اور دوستوں کے لیے عید مبارک کے پیغامات جاری کیے ہیں۔

جوہی چاؤلہ نے پیغام میں اپنی ایک دلکش تصویر شیئر کرتے ہوئے لکھا کہ اللہ کی رحمت ہماری زندگیوں میں خوشیاں، محبت اورخوشحالی لائے۔

اپنے پیغام کے آخر میں اداکارہ نے یہ بھی لکھا کہ وہ پُرامید ہیں کہ بابرکت مہینے رمضان المبارک کے اختتام کے ساتھ ساتھ عالمی وبا کورونا کا بھی اختتام ہوجائے۔

انہوں نے امید ظاہر کی کہ ہم  سب کی مانگی ہوئی دعائیں قبول ہوجائیں گی۔