آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group


سابق کپتان اور پاکستان کرکٹ ٹیم کے بالنگ کوچ وقار یونس نے سوشل میڈیا چھوڑ دیا جس کی وجہ انہوں نے اپنا ٹوئٹر اکاؤنٹ کا ہیک ہونا بتایا ہے۔

وقار یونس نے ایک وڈیو پیغام جاری کیا ہے، جس میں ان کا کہنا ہے کہ مجھے بہت افسوس کے ساتھ کہنا پڑ رہا ہے کہ کسی ﷲ کے بندے نے میرا ٹوئٹر اکاؤنٹ ہیک کر لیا ہے اور اس سے ایک انتہائی نازیبا ویڈیو کو بھی لائیک کیا گیا ہے۔

وقار یونس نے مزید کہا کہ ایسا ہونا انکے اور اہل خانہ کے لئے بڑی افسوسناک، تکلیف دہ اور شرمناک بات ہے۔ ایسا کرنے والے شخص نے پہلے بھی میرا اکاؤنٹ ہیک کیا۔ یہ شخص تو باز نہیں آئے گا لیکن میں نے فیصلہ کر لیا ہے، آئندہ سوشل میڈیا استعمال نہیں کروں گا۔

انہوں نے مزید کہا کہ میں سمجھتا تھا کہ سوشل میڈیا ایک دوسرے سے رابطہ کرنے کا ذریعہ ہے، لیکن اب اسے استعمال نہیں کروں گا۔ اگر کسی کو تکلیف ہوئی ہو تو میں معذرت چاہتا ہوں۔

کھیلوں کی خبریں سے مزید