آپ آف لائن ہیں
جمعہ12؍ربیع الاوّل 1442ھ 30؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کے پی میں 24 گھنٹوں کے دوران کورونا سے مزید 9 اموات

خیبرپختونخوا میں کورونا سے 24 گھنٹوں کے دوران 9 افراد جاں بحق ہوئے، جس کے بعد صوبے میں کورونا سے اموات کی مجموعی تعداد 482 ہوگئی ہے۔

محکمہ صحت کے مطابق خیبرپختونخوا میں24 گھنٹوں کے دوران کورونا کے 458 نئے کیسز رپورٹ ہوئے ہیں، صوبے میں کورونا سے متاثرہ افراد کی مجموعی تعداد 10ہزار485 ہوگئی ہے۔

رپورٹ کے مطابق خیبرپختونخوا میں 24 گھنٹوں کے دوران کورونا کے61 مریض صحت یاب ہوئے، کے پی میں کورونا سےصحت یاب افراد کی تعداد 2973 ہوگئی۔

محکمہ صحت کا کہنا ہے کہ پشاور میں کورونا وائرس سے متاثرہ مریضوں کی تعداد 3 ہزار 855 ہو گئی ہے۔

رپورٹ کے مطابق پشاور میں مجموعی طور پر کورونا وائرس سے 265 افراد انتقال کرچکے ہیں۔

محکمہ صحت کی رپورٹ کے مطابق پشاور میں گزشتہ 24 گھنٹوں کےدوران 2 افراد کورونا سے جاں بحق ہوئے ہیں۔

قومی خبریں سے مزید