پنجاب، دفاتر کو ضلعی سطح پر مرحلہ وار کھولا جائے گا: حافظ ممتاز احمد

وزیر ایکسائز ٹیکسیشن اینڈ نارکوٹکس کنٹرول پنجاب حافظ ممتاز احمد کا کہنا ہے کہ دفاتر کو ضلع کی سطح پر مرحلہ وار کھولا جائے گا۔

حافظ ممتاز احمد نے لاہور میں میڈیا سے گفتگو کرتے ہوئے کہا کہ دفاتر کو ضلع کی سطح پر مرحلہ وار کھولا جائے گا، پہلے مرحلے میں ٹوکن ٹیکس، کار ٹرانسفر، نئی رجسٹریشن شروع ہوگی۔

انہوں نے کہا کہ صارف آن لائن اپوائنٹمنٹ کے ذریعے وقت لے سکے گا، شفافیت برقرار رکھنے کے لیے ایجنٹ مافیا ختم کر دیا ہے۔

وزیر ایکسائز پنجاب نے کہا کہ ایک صارف کیلئے 15 منٹ مختص کیے گئے ہیں، پہلے مرحلے میں ڈویژن کی سطح پر دفاتر کھول رہے ہیں۔