• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جب تک حالات بہتر نہیں ہوتے اسکول نہیں کھولے جائیں گے: سعید غنی

تازہ ترین
قومی خبریں
04 جون ، 2020


وزیر تعلیم سندھ سعید غنی کا کہنا ہے کہ جب تک حالات بہتر نہیں ہوتے اسکول نہیں کھولے جائیں گے۔

جیو نیوز سے فون پر گفتگو کے دوران سعید غنی کا کہنا تھا کہ اسکول ایسوسی ایشنز کے کہنے پر اسکول نہیں کھولے جائیں گے، اسکول کھولنے پر آرڈیننس کے تحت کارروائی بھی کی جائے گی۔

جب تک کورونا وائرس ہے اسکول بند رہیں گے، وزیر تعلیم پنجاب

کتابوں کے حوالے سے شکایات سے نمٹنے کے لیے کنٹرول روم بنایا گیا ہے اور اگلے چند ہفتوں کے دوران تمام طلبا میں کتابیں تقسیم کردی جائیں گی، مراد راس

انہوں نے کہا کہ ہم کسی صورت بچوں کی صحت پر سمجھوتا نہیں کریں گے۔

صوبائی وزیر کا کہنا تھا کہ والدین کو فیسیں جمع کرنے کا  اس لیے کہا کہ اساتذہ کو تنخواہیں ادا کی جا سکیں۔

واضح رہے کہ پرائیویٹ اسکولز ایکشن کمیٹی نے اسکول تین مرحلوں میں 15 جون سے کھولنے کا اعلان کیا ہے۔

پرائیویٹ اسکولز ایکشن کمیٹی کا کہنا تھا کہ اسکولز بند رکھنے سے نہ صرف کروڑوں طلبہ متاثر ہورہے ہیں بلکہ اساتذہ، کلرک، اسکول وین ڈرائیور، بک سیلرز، اسٹیشنریز، کینںٹین کا عملہ بھی بے روزگاری اور فاقہ کشی پر مجبور ہیں۔

تازہ ترین