اوگرا کا پیٹرولیم ذخیرہ کرنیوالے پمپس کیخلاف کارروائی کا فیصلہ

آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی ذخیرہ اندوزی کرنے والے پمپس کے خلاف کارروائی کے لیے انتظامیہ سے رابطہ کرلیا ہے۔

ذرائع کے مطابق اوگرا نے ملک بھر میں پیٹرول اور ڈیزل کی فراہمی یقینی بنانے کیلئے چاروں صوبوں، گلگت بلتستان اور آزاد کشمیر کے چیف سیکر ٹریز کو خطوط ارسال کر دیئے ہیں۔

کراچی میں پیٹرول کی عدم دستیابی پر عوام پریشان

ملک میں پیٹرول کی قیمتوں میں کمی کے بعد سے کراچی میں پیٹرول کا بحران نظر آرہا ہے اور شہر کے بیشتر پیٹرول پمپس پر پیٹرول دستیاب نہیں ہے۔

اوگرا کی جانب سے متعلقہ ڈپٹی کمشنرز کے ذریعے پیٹرولیم مصنوعات کی ذخیرہ اندوزی کرنے والے پیٹرول پمپس کےخلاف قانونی کارروائی کی درخواست کی گئی ہے۔